يا بشاير الالبوم هلي

أصحابي ... أهلي ... أخواتي ... أنا عاوز أخدكم في أحضاني ... طبعاً سعيد , وطبعاً مبسوط ... نفسي أرقص نفسي أغني "نفسي أبوسك معرفش ليه؟" ألبوم ست الكل خلاص قرب ينزل والبشاير عماله "ترخ" علينا زي الدُش ... كل يوم بدخل موقع ست الكل لطيفة أون لاين ألاقي ما شاء الله في جديد ... أروح أجري واصرخ "الألبوم جي يا رجالة ... الألبوم جي يا رجالة ... كل الناس توسع ... كل الناس تستعد لسماع صوت تونس وهي بتغني بالمصري كما غنت باللبناني والليبي والخليجي والتونسي وبكل اللهجات العربية ده بس علشان هي فنانة عربية بمعنى الكلمة ... يارب الوطن العربي كله يبقي زي قلب لطيفة أكيد هيعم الحب والسلام بين سكانه ... النهاردة نزلت كلمات أغنية في الكام يوم اللي فاتوا و دي طبعاً هيد الألبوم ... الأغنية من كلمات "نادر عبد الله" و ألحان "وليد سعد" وتوزيع "تميم" تعالوا نشوف الكلمات أهي تصبيرة لغاية ما الألبوم ينزل

رجاء لروتانا

أرجوكم أهتموا بالأعلانات كويس ونزلوها بدري شوية عن كدة

ف الكام يوم اللي فاتوا
جاله قلب يعيش حياته
من غيري أنا بس ليه
معقول يرضاها ليا
يجي يوم الليل عليه
ومايبقاش جانبي فيه
لو في حاجة ناويها
ليه ما قالش عليها
نسيني خلاص ساعتها يا ناس
هروح أنا فيها
أنا ما ستنتش يبعدني عنه
ويعيش لناس تانيين
مع مين انا هنسى تعبي لو راح يا قلبي
وهقول حبيبي لمين
عامل إيه ودلوقتي فينه
لو شافني في يوم بعينه
يومها ما أصعب عليه
قلبي من بعده خايف
أصله مجرب وعارف
البعد بيعمل إيه
لو في حاجة ناويها
ليه ما قالش عليها
لو نسيني خلاص ساعتها يا ناس
هروح أنا فيها
أنا ما ستنتش يبعدني عنه
ويعيش لناس تانيين