إلي كل العالم شرق وغرب
إلي كل الكون سماء أو أرض
وسعوا .. وسعوا .. وسعوا
دي ست الكل جايه لمحبيها
في اغاني جديدة
تملا ليالينا
حب ومغني ورقص
يالا يا كل شعب مصر
أستنوا طلة قمرنا
دي طلته أجمل من القمر
ونوره أكبر من نور الشمس
ـــــــــــــــــــــــــــــــــــــــــــــــــــــــــــــــــــــــــــــــــ
والله مش عارف من الفرحه أعمل إيه
أرقص ولا أغني ولا إيه
تعرفوا انا حاسس أنه الصيف ده هيكون صيف مميز على محبين ست الكل .. يعني ألبوم وقرطاج ومهرجانات في الجزائر وسوريا ويارب مصر ... أحمدك يارب ... أنا متخيل نفسي زي علي بابا لما دخل المغارة ولقي دهب والماظ وياقوت وقال ..."أحمدك يارب" أهو أنا النهاردة حمادة بابا ... ودخلت أجمل مغارة في الدنيا ولقيت ألبوم وقرطاج روحت قايل "أحمدك يارب" بس المغارة دي مفيهاش أربعين حرامي ... دي فيها ملايين وملايين من المعجبين اللي مستنين أي أغاني من ست الحسن ... أنا فرحان جداً يا جماعة وليلة أمبارح كانت ليلة جميلة لما عرفت خبر الألبوم
ـــــــــــــــــــــــــــــــــــــــــــــــــــــــــــــــــــــــــــــــ
على فكرة نسيت أبارك واعتب
ـــــــــــــــــــــــــــــــــــــــــــــــــــــــــــــــــــــ
مبروك لروتانا
طبعاً هبارك لروتانا بمناسبة توزيعها لألبوم ست الحسن ... على فكرة أنا كنت من أشد المؤيدين لروتانا لأنها الأفضل والأكبر في عصرنا الحالي ... ومننساش أبداً أننا شوفنا حفل قرطاج السنة اللي فاتت على الهواء في سابقة كانت أول مرة تحصل .. ومننساش بردوا كمية الأعلانات اللي كانت مع الألبوم ... هو كان في شوية تقصير في بث باقي مهرجانات ست الحسن في تونس بس أكيد ده يرجع لإدارة المهرجانات نفسها والله أعلم.
ـــــــــــــــــــــــــــــــــــــــــــــــــــــ
عتابي
على الصحافة التونسية اللي دايماً بتهاجم ست الكل ومن غير أي أسباب منطقية .. هما يكرهوا أنه تكون فنانة بحجم "لطيفة" من تونس ... ولا علشان ست الكل مش موجودة في تونس ... لطيفة علمتنا أنه الوطن العربي بأكمله قطعة واحدة ... يعني وجودها في مصر أو لبنان أو تونس أو أي مكان كلها أرض واحدة ووطن واحد .
ـــــــــــــــــــــــــــــــــــــــــــــــــــــــــــــــ
أفرح يا قلبي لك نصيب
في شهر 7 مع الحبيب
ده حبيبي مش أي حبيب
ده سيد العالم بحاله
وأجمل من حقيقته
وأصدق من خياله
ــــــــــــــــــــــــــــــــــــــــــــــــ
ربنا يوفق ست الكل في الألبوم القادم وزي ما بنقول في مصر يكسر الدنيا
عاشق ومجنون لطيفة إلي الأبد
12 التعليقات:
وربنا اخر كلمة معاك حق فيها
مجنوووووووون لطيفة
ربنا يوفقها وينجحها
بدعيلها عشان خاطرك بس وربنا
تحياتي
اتركبت خطا فادح يعني انا عامل الادراج ومجهزه للنزول انا مضطر اجل الموضوع الفحكشه دي لا مش هتنفع لازم نرتب نفسنا شويه
عموما ادراج متميز واسلوب راقي ونقد بناء تحياتي
حمادة
كويس قوي الخبر الحلو ده طبعا كلنا مستنين الألبوم مش انت بس
salam 3alaykom akh 7amada
fara7at el kouloub,tala3thamat elkilamat,wa da3at el7ourouf....
al7adath kabir,la ajad ma yalik
bi sa3adati bi sit el 7essen
Allah yewafkha....
shokrannnnnn lak
salwa
اهلا حمادة
مشكور على البوست..برشة جميل الذي كتبته ووضعته بالمدونة...الكل على نار في الانتظار..الالبوم قادم و انشاء الله يكون مآله النجاح و التالق..يارب كل حفلات الغاليه بتونس و بجميع البلدان العربيه تحقق النجاح..اتشاء الله
حمادة ياجااااامد
حلو الادراج واكيد مهما حاولت توصف فرحتك مش هتقدر
الحال من بعضه
ربنا يقرب البعيد
وربنا يوفقت ست الكل وملكة الطرب لطوفة
بطوط
ميرسي لدعائك للطيفة
والله لو شوفتيها بعنيا لتموتي فيها
ميرسي يا بطوطة
مجود
ياللا يا عم حصل خير
انت عارف بقي الحب وسنينه
ميرا
ربنا يجعل الصيف ده كل لطائف لأن ست الكل هتكون منورة الدنيا فيه
تحياتي
سلوى
ميرسي ليكي كتيررررررررررررررررررررررررر
وتحية لكل أهل لبنان
تميم
كلنا منتظرينه ويارب يكسر الدنيا لأن أنا متأكد من جمال الألبوم لأن أجمل فنانة هي اللي هتغني فيه
تحياتي ليك
ايماااااااااااااااااااان
دايماً بتعلقي متأخر بس بردوا انتي مجنونة لطيفة الأولى ربنا يوفقها يارب ويقرب البعيد يارب
إرسال تعليق