الملكةحبيبة قلبي لطيفة النهاردة كانت منورة جريدة المصري اليوم في حوار مطول معاها .. وطبعاً الحوار كان فيه بعض النقاط الهامة , اللي عاوزلها أكتر من بوست للتحدث عنها يعني منها مثلاً , تأجيل الألبوم الخبر اللي زعلني أوى ... كمان ان في خبر عن أغاني الألبوم وتجربة ست الكل مع نصير شمة الفنان العراقي الجميل ... كمان خبر عن الأشاعة الجديدة عن ست الكل واللي بتقول أنها زعلانة مع الرحابنة !!!!! ... مش عارف مين اللي بيطلع الإشاعات دي .... كمان خبر عن إشاعة قديمة بتاعت الجنسية , مش عارف هما لسه مش عارفين أنه لطيفة من غير الجنسية ... مصرية أوى ومصرية أكتر من أي مصري هنا ... لو نسيوا تفكرهم "مهما روحنا ومها جينا ... مصر روحنا ونور عنينا" ولا تفكرهم "تعرف تتكلم بلدي وتشم الورد البلدي ... يبقي أنت أكيد المصري " ولا تفكرهم "عشقانة ... والعشق جميل ... عشقانة أعطش أكتر ... وارجع أشرب من شهد النيل " أفكرهم بإيه ولا إيه بس ... لغاية دلؤتي مرارتي متفقعتش من الحكومة المصرية ألاقي العنوان أنه
لطيفة: جهات مصرية رفضت مسرحية «حكم الرعيان» رغم عرضها في لبنان وسوريا وقطر
مشهد النهاية المحترمطيب ليه ... هو خلاص مصر بقيت أقل حضارة من كل البلاد العربية .... خلاص بقيت الحكومة المصرية خايفة من عرض مسرحي جرئ شوية زى حكم الرعيان على فكرة لو فضلنا على حالنا ده البلد هتبوظ وتخرب أكتر ما هي بايظة وخربانه .... والله مش عارف أقول إيه غير حسبي الله ونعم الوكيل في وزارة الثقافة وكل القايمين عليها واحد واحد ... وربنا ع القوى
أسف يا ست الحسن كان نفسي أخرج عن السياسة في مدّونتك الجميلة لكن أعمل إيه السياسة هي اللي بتجري ورايا مش أنا اللي بجري وراها
يا روايح الصيف تعالي
هاتي معاكي أحلي صوت
صوت القمر
وهو القمر كان ليه صوت ؟!!
آه يا جماعة قمرنا الغالي
أجمل صوت في الدنيا بحالها
غنت لينا في أفراحنا
ياللا نغني
وفي أوجعانا غنت لينا
من ينقذ الإنسان
حتى وقت الحب
عمرها ما نسيتنا
و
أكتر من روحي بحبك
بترجعنا لحبايبنا
ويا سلام
لما بنكره
بيكون الموقف صعب
وقمرنا في وقت الكره
بيكون بردة معانا
وبتغنلينا
كرهتك
وقبل حتى الكره
بترجعنا للحبيب
بقصيدة
العاشقين
بتحولنا لعبيد
في مدرسة الحب
بنقعد نعيد ونزيد
في أغاني القمر
والله مستنين
وفي حبك متيمين
ويا رب الصيف الجاى
يبقي أحلي صيف
ما احنا معانا القمر
والله
أحلي ضيف
حمادة زيدان
عاشق ومجنون لطيفة إلي الأبد
17 التعليقات:
salam 3alaykom akh 7amada
aktafi bil kawl:
bi tesal leih ??????????!!!!!!
salam
salwa
والله الخبر زعلني جدا
بس للاسف مفيش حاجة حلوة ابدا بتحصل في البلد دي
بالنسبة للاشاعات هما الناس كدة اي حد ناجح يطلعوا عليه كلام مالوش اي اساس بس هتعمل ايه في ناس فاضية وكلها حقد
سلام
حمادة معلش
وربنا يخليلك ست الكل
والسياسة بتجري في كل حاجة
حتي الفن
تحياتي
ياسلاااااااااااااااااااااام عليك يا حماده ولو انك ما اتفقتش بس ليك عذرك متيم بقه وانا لو منك هعمل كده مش فيه حد يكتم حبه وما يعبرش
تحيااااااااتي
اهلا حماده
الحياة من غير موقف و لا تسوى...ليه العتب على الغرب في مآسينا واحنا اصل الداء...لم تانى الغالية لطيفة يوما في اعلاء صوتها و انشاد اغاني الصمود و الثوره من اجل هذة الامه...تذكروا فقط (اتحدي) (من ينقذ الانسان)(مدردره) (الهمه)(الي و اليك السما) وغيرها كثير...المفارقة المضحكه المبكيه ان قرار منع مسرحيه ياتي من زمره من الناس لا تعي معنى كلمه رساله...
خليهم يقولو الايشاعات من ذاالذي سيعيروها اهتماما...فقط هي للضعفاء سلاح و للفاشلين اسلوب و للتافهين عنوان...اما اصحاب المواقف فهي لهم نيشان بانهم يسلكون اقوم طريق...فالي الامام يا لطيفه ويا جبل ما تهزك ترهات ناس فاضيه...
مشكور حماده على الشعر الجميل...لن اضيف غير كلمة احسنت في التعبير هن ما يخاج نفسي...شكرا
شكرا حمادة على الكلام الحلو اللى قولتة عن الأميرة لطيفة ومصر حلوة كشعب وكحضارة بس للأسف الحلو مايكملش عفاريت البلد مبوظين حلوة البلد وزى المثل الشعبى المصرى ( اصبر على جارك السو لايرحل لاتجية مصيبة تاخدة )واتمنا العفاريت جيرنا تجيلهم مصيبة تريحنا منهم لأنهم وكلينها ولاعة ومبيفكروش غير فى نفسهم وميهمومش ان فى ناس بتنام بلجوع , ربنا يريحنا من العفاريت دول.
حمادة تصدق زعلتني دة انا نفسي اشوف المسرحية موت وخصوصا ان لطيفة ممثلة هايلة هايلة هايلة
خسااااااااااارة
[رافو عليك ياحمادة وللاسف السياسة دخلت فى كل حاجة حتى رغيف العيش وبما اننا بنحب وبنعشق فنانة سياسية اكثر من اى سياسى يبقى مدونتها لن تخلو من السياسة
عدم عرض حكم الرعيان مش مفاجأة لاننا فى مصر ومصر يعنى الديمقراطية والحرية والمهلبية وربنا كبير
كان نفسى تتعرض لانها افضل مسرحية شفتها بجد وفيها رساله تصلح لكل زمان ومكان عربى
اما تاجيل الالبوم زعلنى جدا بس كل تاخيرة وفيها خيرة
سلوى
ميرسي ليكي سلوى ع زيارتك الجميلة
دينا
والله هي دي مصر
علشان المسرحية فيها حبة سياسة بقيت حرام تتعرض ويقولوا في ديمقراطية في البلد
اعتقد انه اللي عندنا ملوخية تقلية لكن مش ديمقراطية
بـــــــــــطوط
والله منورة المدونة ... أنا اللي مزعلني أنه المسرحية فعلاً كبيرة وضخمة وممكن تعمل نقلة في تاريخ المسرح المصري اللي أصبح نصه عاهرات بيخرجوا ع المسرح
مجـــــــــــــود
ميرسي يا قمر
تميم
والله عندك حق ... ما هي مسرحية ست الكل لو هايفة ولا ملهاش مضمون كان زمان الحكومة المصرية رحبت بيها
لكن أحنا في زمن الهيافة والتفاهه للأسف هي اللي بتنجح
حبيبي احمد
المصيبة أنه الجار السو شكله بعد كدة هيطردنا وهيقعد هو في بيوتنا
ميرا
المسرحية والله يتحزن عليها اوى ... مسرحية بتاخد العقل
يارب تحصل حاجة جديدة في الدنيا والمسرحية نشوفها في ام الدنيا اللي على ايد الحكومة بقيت بنت الدنيا ومش بنت كمان شرعية
ايــــــــــــمان
نورتي يا بنت
أنتى فين من كام يوم ... مخصوم منك اربع تيام وهتتحولي للتحقيق
هههههههههههههههههههههههههههههههههه
ما تروحيش بعيد
إرسال تعليق